蔣祖曼曬命有老公煮飯等收工 見證張頴康由百厭仔變顧家好爸爸

蔣祖曼（Joman）在劇集《法言人》中飾演鐵面無私，外表冷傲的「釘官」，跟演律師的張頴康「翁雄」CP成功入屋。

兩人早於15年前拍電影《圍城》已結緣，見證對方成長的Joman笑住踼爆張頴康：「以前佢好百厭，古靈精怪咁，家個人陽光咗。」

Joman坦言亦有幸福家庭做最強後盾。

採訪：方騫平 攝影：鄧國良

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

蔣祖曼拍《法言人》最難頂要面對搞笑對手張頴康，搞到她經常笑出聲，「拍拖手過馬路重點戲，本身係好浪漫，戲外佢係咁引我笑，對住佢個樣真係拍得好『辛苦』，另一場戲去農莊取景，阿康竟然帶埋高爾夫球棍嚟，話要試嚇啲草皮好唔好，佢真搞笑。」

Joman大讚阿康係好好先生，見他有個美滿家庭亦好欣慰。

而Joman與電影幕後陳卓麒結婚近10年，兩公婆無聲勝有聲：「老公唔浪漫，亦唔係好講嘢，但作為行內人明白到大家做緊乜，精神上支持已好ok，我開工時佢會keep住煮飯我食，(無微不至呀)ok啦…哈！人就係咁(身在福中不知福)。反而妹妹可可係我忠粉，會等睇我嘅戲。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

唔反對繼子入行

至於哥哥Day仔(已故前妻所生)快將18歲：「青少年有自己一套睇法，只要佢搵到自己鍾意嘅嘢，知道自己做緊乜，我都會支持佢。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

她指Day仔係學校劇社成員，又學緊樂器，問到可會反對繼子入行？

Joman持開明態度：「絕對唔會，如果佢真係感興趣，我仲會帶佢視察嚇呢行環境，了解嚇拍嘢流程，但我一定唔會幫佢安排機會，其實做乜嘢最後都要靠返自己，要努力爭取機會，佢見我拍嘢都知道做藝人好辛苦。」