咁你都唔識｜林鈺洧上遊戲節目自嘲似電視機：唔識講大話

林鈺洧（Denice）10/5現身電視城出席TVB綜藝節目《咁你都唔識》錄影。Denice表示：「今次玩呢個遊戲節係要鬥志鬥力，而且每位嘉賓都可以帶一個素人朋友上嚟一齊玩，而呢個遊戲節目其實要兼備口才同演技，喺呢方面我就差少少。

尤其係要我講大話，因為我一講大話就會好似部電視機咁，啲人一望就知我講大話，變咗今次我就特登搵咗我由中一已經認識嘅好朋友上嚟幫我助陣。而我好感激佢肯捱義氣上嚟陪我玩，始終佢唔係圈內人，對鏡頭係好唔習慣。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

咁你都唔識｜鄭衍峰上節玩遊戲靠呃呃凼凼 馮盈盈做定功課嘥心機

馮盈盈和鄭衍峰（Leonard）10/5現身電視城出席TVB綜藝節目《咁你都唔識》錄影。Leonard透露玩法創新，每位嘉賓都可以帶埋一位朋友上節目一齊玩遊戲講故仔。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

他說：「其實玩呢個遊戲最難係你點樣揀拍檔幫你勝出，因為有時候要透過講大講去呃對手，咁先會有機會贏，而我就講大話就唔叻，咁所以就要夠我朋友幫嚇口，講真呢個遊戲玩法都幾得意，從中係可以學到好多新嘅知識。」

馮盈盈接著表示：「其實我對香港真係唔太過認識，變咗玩呢個遊戲會比較蝕底，咁所以我上嚟之前我係上網做功課溫書，睇嚇香港嘅大事小事，點知編審同我講叫我放棄，因為佢哋嘅問題係好廣泛，包括香港大事小務衣食住行乜都有，我聽完之後就死咗條心，於是就搵咗湯博士（湯兆昇）嚟幫我，呢鋪食粥食飯就靠佢。」