訪談節目《摸杯底》邀請袁偉豪擔任嘉賓。袁偉豪近年經常與網民展開罵戰，又多次公開炮轟傳媒，因此被指情商低。

為此他表示：「我嘅世界呢個行業唔係咁樣，我係80年代出世，我係睇住八、九十年代娛樂圈長大，我會喺認識嘅前輩口中得知呢個娛樂圈係應該要點樣互相扶持，去一呼百應，有咩事大家要企出嚟互相支持。藝人同傳媒嘅關係應該係好友好（係唇齒相依嘅）係！即係大家一個都不能少，有啲嘢係可以攞出嚟傾，檯面傾唔到嘅嘢，可以檯底傾，因為大家都要互相支持大家。」

今後不會再回應任何有關他的新聞：中伏太多次

此外，袁偉豪坦言會以讀者的身份評論娛樂新聞：「如果你日日個標題彈出嚟都係話『乜乜男神50歲崩壞』、『乜乜女露半球』，我都唔會撳入去啦，除非我睇到個標題係話『袁偉豪露半球』，咁我就會入去睇下。」經歷過如此多相同的事，今後都不會再回應任何有關他的新聞：「實在中伏太多次。」

憶最難聽說話

隨後，主持林柏希問到除了在娛樂新聞中，是否在工作上聽到過一些難受的說話，嚴重程度足以萌生退出娛樂圈的想法，袁偉豪憶述約十年前拍攝電影《72家租客》時與前輩的一段對話：「嗰時做緊宣傳，當日見完記者之後我哋會有啲茶點，咁就排隊攞嘢食，我就係一部咖啡機面前排隊，咁我就禮貌上問下『唔好意思，請問呢度係咪排緊隊攞咖啡？』咁佢就好直接咁答我『係呀！排下隊先啦，新人！』之後就行咗去啦，又唔係喺度排隊。」

覺前輩說話有弦外之音　止不住淚水：啲眼淚係咁流出嚟

袁偉豪坦言這句說話令他很難受，認為前輩有弦外之音「等下先啦」、「新人你有咩機會？」因此在開車回家的途中，袁偉豪止不住淚水：「嗰陣仲好Dramatic（戲劇化）咁樣，帶返副太陽眼鏡，一路揸車，啲眼淚係咁流出嚟，然後開免提打俾我當時嘅女朋友。」

終解開誤會：我太sensitive啦

而事件發生兩年後，袁偉豪再次與這位前輩合作，他亦把這一個經歷及感受告知對方，豈料對方捧腹大笑：「係咩？我有講過呢啲說話咩？我同你講笑㗎咋」這次聽者有心、講者無意的事件令袁偉豪這樣評價自己：「我太sensitive（敏感）啦，太sensitive得來太容易墮入自己⋯⋯所謂嘅對號入座。我嘅優點都係我嘅缺點，就係好直白，我唔係好鍾意轉彎抹角。」

被問到為何近年「產量」大減？袁偉豪指近五年來，自己演出的劇大部分都是平台之間的合拍作品，加上自己公司也有些轉變，所以未能持續開拍新作品，但仍然會繼續演員生涯。

談到與「袁太」張寶兒的相處，袁偉豪感激妻子在自己情緒低落期間循循善誘，輔導自己，不過，二人也會因某些話題爭辯不休直至深夜。林柏希更揭袁偉豪對張寶兒無微不至，當張寶兒有事外出，袁像父親接送子女上學般「車出車入」。

節目最後，袁偉豪以「好戲再在後頭」自評，期望觀眾再給予多些時間自己，會繼續做些好的作品給大家。