泳兒愛上網收集靈感：歡迎炸我IG　天生硬頸面對負評有獨門招數

泳兒早前為了宣傳新歌《同歸於盡》，在社交網上載戒指相，惹來男友求婚成功的誤會，搞到最後要發聲明澄清。其實這首另類情歌確實同結婚有關，泳兒更希望歌曲可以成為婚禮的必備歌。

對於頒獎禮要陪坐又或面對負評，泳兒有奇怪又獨特的的應對方法。

採訪：杜杜 攝影：譚志光

泳兒解釋《同歸於盡》聽落好狠唔太似情歌，但有更深層意思，「開拓一個新嘅求婚字眼，唔係字面咁解，其實係同歸於天不盡，講嘅唔係愛一生一世係愛三生三世，好想有人請我去婚禮唱呢隻歌，祝福一對新人行到無盡境界。」創作歌曲時，她將大家的負面情緒轉化為正能量，製造一個反差，「我好耐冇做情歌，好想做一隻歷年嚟最深層嘅情歌。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

頒獎禮認命做陪坐

泳兒在港台頒獎禮奪3獎，不過在Chill Club頒獎禮，有多項提名的她就未有獲獎，她稱一向認命陪坐，「有段時間覺得同頒獎禮冇乜緣份，都有認命感覺，外面評價話我陪坐，但唔係得我一個陪坐，都用咗好長時間去等一個肯定，家可以成為勵志嘅例子。」

她又引用楊紫瓊在奧斯卡奪獎時的金句，「『you are ever past your prime』呢句說話好有力量，唔好覺得自己去到盡，就好似我隻新歌可以無盡，有呢個信念去不斷嘗試。」

《同歸於盡》MV

至於現年26歲的初孟軒在MV曬巨胸，他是一名台灣男演員，於2016年出道，曾拍過台灣劇集﹑網絡劇及不少MV，2017年他演出短片《揍他一頓》而嶄露頭角，同年韓星李棟旭到台灣拍廣告時，初孟軒曾擔任李棟旭替身。

泳兒坦認近年成績不俗對製作會更有信心，亦愛在社交平台收集樂迷意見，「好歡迎大家炸我IG，喺裡面得到好多靈感啟發。」

另外，她有獨特方法面對負評，「我睇得愈多愈負嘅嘢就會變正，因為我硬頸，好似出《野木蘭》時，有人留言『呢個應該係顛峰嚟』哈哈！等我再顛啲先，同埋有人去攻擊你，好過完全冇人理會。」

泳兒跟創作團隊將今年歌曲，一律統稱為「祝福」，其實就是把外界覺得比較負面的詞，變成祝福語，她笑說：「歡迎大家婚禮邀請我去唱呢隻歌，亦都希望『同歸於盡』，可以成為全新求婚字眼。」