炎明熹佛系心态面对奖项！叱咤我最喜爱打入十强已满足

对于首度参加各大音乐颁奖礼，早前更成功打入“叱咤我最喜爱女歌手”十强，Gigi特别感谢一班投票的粉丝，“自己始终系个新人，大家咁支持我已经好开心，我真系冇话要入到五强，我本身以为自己连十五强都入唔到啰！冇谂过大家会投票畀我（最终入到十强？）真系好开心，好多谢大家支持，真系唔知讲咩好。”

至于对新人奖会否信心较大，她就贯彻佛系态度，“呢啲嘢就顺其自然啦！如果自己太在意嗰样嘢，就会令到自己有压力。”但她为了粉丝不会完全冇信心，“我唔想辜负fans对我期望，所以如果我有呢个能力，我都会尽力做好自己，但系攞奖呢啲就顺其自然。”不过她刚攞“劲爆新人奖”，算有交待。