黃翠如現身灣仔書展宣傳新書　爆洪永城應承買但唔見影：佢仲未買

藝人黃翠如昨日（24/7）現身灣仔書展出席其新書《在地上遇上天使》講座。翠如受訪時時表示：「呢本書係我第3本嘅書，而對上一次我出書已經係10年前嘅事，咁所以我係冇諗過會出第三本書。

咁其實我對文字係有一種著迷，因為我自小就好鍾意旅遊作家三毛，係佢令到我知道旅遊係要用文字去記錄低。咁所以到我終於出到一本遊記，去記錄好多人嘅故事，咁我就覺得係成就解鎖。」

被問到老公蕭正楠有否看過這本新書？翠如表示：「其實係我整理嘅時候，我都有睇，佢仲會喺屋企度朗讀我以前一啲旅遊日記嘅經歷，佢仲話我以前真係好大膽，而我又會好自豪自己有呢樣戰績。

（洪永城有冇買書支持？）佢話自己會買5本嘅，佢話咗買，但就仲未買。（咁少，叫佢買多啲送俾人！）我相信佢......哎，你都係問佢，我唔想幫佢兜。哈哈。不過佢話買5本都已經好好，始終佢而家都湊B，咁所以都希望佢可買書俾囡囡睇，哈哈！」

香港書展2023丨黃翠如出新書適逢父親入院 老公蕭正楠做Sales落力賣書

黃翠如昨日（24日）到書展，出席著作《在地上遇見天使》的講座活動，黃翠如笑說老公蕭正楠於書展攤位做Sales幫忙推銷著作，不少讀者要求籤名，又爆老公不時會在家中朗讀她以前的著作，但出書時還未認識老公。

黃翠如說：「以前我拍旅遊節目唔會化妝，佢話我好大膽！其實佢一路睇，都話好想去非洲睇動物大遷徙，我都期望有一日可以同佢去。」

黃翠如透露今次相隔十年後再推出著作，因為覺得人長大，希望出書讓讀者睇完有所得著。黃翠如表示：「年幾前已經想出書，今年推出想自己有一個紀念，我屋企有五個女，父母讀書唔多，佢哋都想我哋讀多啲書。」

黃翠如認為爸爸見她推出一本書，相比她有幕前工作會更開心，她又透露早前爸爸因身體不適入院，將以往她的著作重新再看，所以今次她有新著作，對方會好開心。黃翠如還說：「我知道爸爸買咗好多我本新書，佢會四周圍派。」

黃翠如解釋有膽量出書，因為以前有好多旅遊經歷到訪落後地方，更遇上一些人的故事，令她很有感受。

而本身她很喜愛的作家三毛，自小受對方的著作影響，所以她很喜愛旅遊同文字，現在推出旅遊書覺得自己功德完滿。