岑麗香與大仔首度玩親子瑜伽大考驗 似足樹熊黐實媽咪勁可愛

38歲岑麗香（香香）2016年嫁給金融才俊Joshua（強強），婚後誕下兩子吳主軒（Jacob）和「小腰果」Julias（JuJu），早前趁假期帶了一對兒子回溫哥華探親，小休過後已經返港。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

日前岑麗香四歲半大仔Jacob以母子檔上陣，出席一個親子瑜伽活動，首次跟囝囝一起做瑜伽的岑麗香備受考驗！

原來岑麗香的囝囝剛從加拿大返港，因未適應時差關係，全程似十足小樹熊般黐實媽咪，可愛度爆燈，令岑麗香受考驗：「一直喺屋企都有做瑜伽，囝囝見到會好奇一下，我都會問佢哋想唔想join。今日終於第一次同囝囝跟老師一齊做瑜伽，其實我冇expectation，因為佢咁細個，目標唔係要做到完美動作，反而想佢可以同我做下運動、開開眼界，畢竟我哋剛由加拿大探親返港，佢仍有少少jet lag，今朝凌晨四點已起身，之後只瞓咗半個鐘晏覺，所以佢表現算非常叻叻！」

跟小朋友做運動建立親子關係

岑麗香認為跟小朋友一起做運動，最重要是保持耐性，透過運動過程令小朋友學識聆聽、見識新事物及發掘自己喜好：「一齊做運動幫助我哋建立親子關係，因為自己一個做運動，可以好集中去做，同小朋友做運動係另一種fun，好似mommy and son date，大家一齊試新嘢、一齊學習、一齊拉筋舒緩壓力、一起交流，享受互動，加強bonding。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

岑麗香指囝囝跟爸爸一樣屬於運動型，與囝囝一起做得最多的運動是「騎馬仔」，而岑麗香正是扮演馬的角色。

不用開工全程陪囝囝

自從成為兩子之母后，岑麗香家庭事業兩兼顧，有網民大讚她是圈中其中一位演繹work-life balance最成功的媽媽，不過岑麗香認為要真正達到work-life balance絕不容易。

她說：「無論工作幾忙都好，一定要抽時間同小朋友互動、多啲傾偈，build up佢嘅將來，如果day time不用開工的話，都會陪小朋友，me time通常會喺佢哋瞓咗覺之後。」

她更笑言做媽媽頻頻撲撲，又時常要抱小朋友，每天谷出最大運動量，絕對是收身良方！