陳豪冇留意港姐是非 認做司儀有待磨練：睇番都有唔舒服

陳豪、胡定欣、張曦雯、郭柏妍、蕭正楠、何廣沛、朱智賢，今天（29日）到荃灣宣傳劇集《破毒強人》，受到天雨影響，原定安排的遊戲被迫臨時取消。

陳豪笑言太太陳茵媺（Aimee）沒有追看劇集，但有收看他擔任港姐決賽司儀：「她說我表現差少少！」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

對於網民指4位司儀沒有跟港姐交流，陳豪說：「我連自己都未搞掂，但求過關，唔好讀錯字，睇番自己表現都有少少唔舒服，但第一次算OK，做司儀要磨練，日後多啲訓練，相信會做出色司儀，我叫Moses Chan，本身係MC。」

提到今屆港姐騷是非多，有網民不滿賽果。

陳豪說：「我真係冇留意，唔知道邊個係大熱，只知道15號佳麗（莊子璇）攞冠軍，個名唔講啦，費事自己又講錯。贏輸實會令人有少少唔開心，每次總有人贏、有人輸，所以我教小朋友要接受失敗，重要過接受成功，點樣重拾自己去重新出發，係一個智慧。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

擔任港姐司儀 遭網民狂鬧 陳山聰冇有怕：有機會都會再做

邵氏電影《無間一戰》昨晚（28日）在九龍灣舉行慈善首映禮，總監製樂易玲率領3位男主角黃宗澤（Bosco）、謝天華和陳山聰，以及蔡思貝、陳煒及郭柏妍等出席。

在介紹出席演員時，主持安德尊（大王）擺烏龍，跳過了讀陳山聰的名字，山聰變「壓軸登場」，上到台，山聰先向大王自我介紹，場面搞笑，及後大王又將《無間一戰》講錯《無間道》，老貓燒鬚。

Bosco和山聰於片中角色敵對，陳山聰表示很久沒演大反派，非常好玩；Bosco笑指對方衰到離譜，不但連老竇都殺，還人人都「搞」，陳煒、蔡思貝等無一倖免。問到對票房可有信心？Bosco希望有好成績，會盡力做，但知道電影在內地網上點擊非常好。

提到山聰聯同陳豪、陳展鵬及蕭正楠擔任港姐決賽司儀，繼續遭網民狠批。

山聰認為很正常，因4人不是專業司儀，不能與叻哥（陳百祥）和曾生（總經理曾志偉）相比，相信公司和曾生預計到會有批評，今次想有新噱頭，所有評論他們也接受。

山聰也承認綵排時間不足，因4人都很忙，他與蕭正楠更是決賽前一晚凌晨才從內地回港，故騒前才正式綵排。他直言不會嚇怕，下次有機會都會再做，因每項工作都要靠累積經驗。