張天賦搵到錢想買樓希望35歲財富自由 之前剝智慧齒面腫腫放假兩周

張天賦（MC）今日出席品牌活動，談到近期頻頻出席賺錢event，他笑言要多謝公司，並希望35歲可以財富自由，買樓亦是他首要目標，但仍努力中，第二個目標則想到芬蘭旅行睇北極光。他說：「早前都放咗假，因為剝四隻智慧齒腫曬唱唔到歌，休息咗兩個星期。」

談到有粉絲覺得他變瘦，MC自覺沒有變，但剝牙後吃不到東西，不過吃了很多雪糕，又笑言好耐沒有出席活動，見到好多人有點不習慣。

對於月底於澳門首次開騷，MC透露現正減少食量，並且做健身及排舞。提到有不少粉絲買不到飛，MC明白有此問題，公司亦決定開兩場，希望未來有更多場次或更大的舞台演出，亦想走埠開巡唱。

他說：「我同公司反映咗！（完成澳門個唱後，準備走埠開巡唱？）真係唔清楚，如果可以走埠都幾好呀！」

另外，MC年尾會推出一首合唱歌，人選由公司安排，是一位好適合同自己合唱的女歌手，又稱連同這首合唱歌的話，今年合共推出5首歌。對於在年尾各大頒獎禮，可有信心下一城？他說：「我唔謙㗎！你問我梗係想攞獎，但比起呢樣嘢，最緊要觀眾鍾意。」

張天賦自認冇身材唔敢拍內褲廣告　力證新歌MV冇真鍚 :冇嘅 | 香港01

歌手張天賦（MC）除了在歌唱圈深受歡迎之外，其亦是時尚圈的寵兒。今（12日）他就獲知名品牌邀請出席開幕活動，現場有不少「賦二代」一早到場支持，場面墟冚。而在接受訪問時，他就笑言因身材不夠好，所以未有信心接拍內褲廣告，又透露目前正為澳門演唱會加緊練習中。

以黑色牛仔look，梳著旁分油頭現身的MC相當帥氣，在店內參觀的時候，其不時展現笑容，又拿著衣服拍照，非常親切可愛。

在接受訪問的時候，問到為何不接拍內褲廣告，他就笑言：「我覺得買底褲一定要身材好啦！（你冇咩？）我身材唔係好好啦！（開嚟睇嚇）開嚟睇嚇，我做咗啦。（有冇操肌？）有興趣玩過一兩次好辛苦，所以決定專注音樂上面。（如果操完有肌肉，會唔會接拍內褲廣告？）操到梗係會濫用呢個優勢，奈何未得。」

而MC近來被指臉部瘦削不少，原來是因為：「因為前排，我覺得係關剝咗四隻智慧齒事，好似真係削咗囉塊面。（點解儲埋一次過先剝？）其實一路都有呢個問題㗎啦，後尾睇牙醫牙醫就話打橫生喎，長痛不如短痛。（牙醫認唔認得你？）牙醫認得我㗎，（有冇大力啲？）冇，都溫柔嘅。（男定女？）男仔嚟嘅（唔搵許廷鏗？）咁啱係相熟嘅，經理人介紹嘅。」又揚言因剝牙關係的確吃少了東西。

提到新歌《與我無關》在台灣拍攝，而女主角就找來當地新生代女神詹子萱擔任女主角，問到二人有沒有互留聯繫成為朋友呢？他二話不說：「我哋有follow IG，其他就冇咩特別。（好似有咀戲喎有冇錫到？）冇嘅，但都牽動到一個浪潮，多謝fans們咁緊張我。（驚你蝕底）唔會㗎佢哋講嚇咋。（期待下一個MV有真錫戲？）好睇個故事嘅需要，假設呢個故事係非常之需要嘅話，咁我覺得起無可避免。

（搵男仔錫呢？）其實公司提過好多次整個BL嘅MV。（最想錫邊個？）其實我可係獻出過我嘅螢幕初吻，男仔嚟講。曾經有一段係我同Jeffrey拍嘅影片有錫過，其實Jeffrey我都錫過，我都冇咩目標啦！」

最後他提到在台灣拍攝MV時吃了很多美食，但就沒有時間到處去玩樂，又揚言現階段未有計劃留台灣發展，但希望自己的歌會受更多人喜歡。