思家大戰｜高海寧爆「金牌媒人」Bob曾介紹男友

傅嘉莉淡妝「走樣」嘲洪永城眼細

高海寧（高Ling）今日（7日）到電視城錄影《思家大戰》，高Ling指今次是首次玩，已感受到遊戲的緊張氣氛，又笑言因為有現金獎所以會盡力玩，希望賺點錢幫補屋租及開支。

對於近期樓市回落但租金升，現時有樓放租的高Ling笑言自己只是出錢，其餘事情也交給父母處理，身邊的朋友更提醒她不要入市。

問到不時在大陸工作的她，是否有打算在當地置業？高Ling說：「冇，因為唔了解，賺錢好辛苦，所以要小心處理啲錢。」

問高Ling現時這間屋是否她的「姑婆屋」？她聽後即笑指這形容詞不好：「無論叫咩屋都好，買多幾層樓都係好事，所以唔好理，俾心機賺錢先。（唔係應該俾心機搵返個老公？）我成日覺得係遇到，阿Bob有嘗試介紹俾我，但我比較信緣份，見完之後大家都要睇適唔適合？Timing啱唔啱？我成日都覺得Timing好重要，所有嘢都係睇緣份。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

提到黃智雯剛與拍拖11年的圈外男友結婚，高Ling指也很戥對方開心。

不過她指每個人的感情運也不一様，自己若要愛情長跑11年也不介意，又直言結婚生小朋友是很正常的事，若自己遇到適合對象也會公開。

問她是否會閃婚？高Ling說：「以我對我自己嘅認識應該就唔會，我覺得了解嘅過程係需要時間，唔係話傾兩句偈就知道大家係咩人。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

傅嘉莉（Kelly）與陳星妤則表示兩人在《香港人在北京》合作，Kelly指兩人在劇中要爭洪永城，又謂今次要演麻甩男仔頭所以祼妝拍劇，最開心是裸妝後連工作人員也認不出她。

問到是否擔心會被觀眾批評走樣？她說：「唔驚，企喺洪永城隔離點都靚，起碼隻眼一定大過佢。」

Kelly指稍後又會和陳星妤第三度合作，兩人亦將會出發到深圳拍新劇《法證先鋒VI》，當中亦會有同一條感情線，不過Kelly就笑言今次的對象比洪永城吸引很多，較容易投入。

不過陳星妤就表示洪永城教了她很多事，問到是否從小就已經看他做戲？陳星妤說：「我唔敢咁講，佢係我前輩，同埋佢keep得好好。」