走出潛水意外風波陳鍵鋒趁封晚市前孖王賢志飯局

前TVB小生陳鍵鋒近年轉做潛水教練，去年6月一名中年男子於西貢跟教練一對一學潛水時，疑遇溺不治，而陳鍵鋒被指為該意外發生時先行上岸嘅教練，雖然東網曾拍得佢由何文田住所搬往港島區酒店，惟佢一直「潛水」亦未有公開露面。

估唔到尋日（7日）凌晨，藝人兼前東華主席王賢志（Vinci）就曬出同陳鍵鋒及前女藝人歐子欣合照，似系三人飯局後合照。

Vinci又回覆網友指張相系6日影嘅，計番時間，啱啱好喺正底封晚市堂食嘅前一日見面。

終於正式上水嘅陳鍵鋒，明顯比半年前搬竇時更顯圓潤，即使佢戴咗帽都見到佢染咗一頭金髮，加上一身七彩打扮，出到街都幾吸睛。而Vinci都喺留言爆料：「我們也很少見面，找他非常辛苦喎。」睇嚟今次飯局佢總算走出陰霾。

陳鍵鋒教潛水學員溺斃火速搬竇避世

現年43歲的前TVB小生陳鍵鋒（Sammul）當年與林峯及吳卓羲等獲TVB力捧，2003年主演劇集《律政新人王》將事業推向高峰，不過約於10年前，他決定不再與TVB續約，並將發展基地轉往內地，起初無論名氣及「財」氣都有增無減，然而早前自爆有腦血管遺傳病，被迫中斷演藝工作。

Sammul擁有幾十個技能等級證書，包括獨木舟、聾人手語甚至幼兒護理等不同範疇，可謂百足咁多爪，其中有潛水牌的他，近年更將興趣轉化為事業，轉行做潛水教練搵食，並會作私人教授。

本月6日，一名中年男子於西貢跟教練一對一學潛水，疑遇溺失去意識，於碼頭附近載浮載沉，期間被女途人發現報警，惟昏迷送院不治，據悉當時負責教練先上岸，當發現學員遲遲未有現身，已急忙四處找尋，其後才得知發生悲劇。

雖然一直未有公開教練身份，但網上就因事件掀起熱議，當中有人質疑：「一對一教潛水為何教練先上岸」、「到底教練當時做緊乜？」有網民爆料直指該教練是藝人陳鍵鋒。

記者連日來曾嘗試聯絡Sammul，但一直未獲回覆。而陳鍵鋒經理人接受東網訪問時表示：「我不在香港，疫症問題滯留加拿大，所以無可奉告。」

至今午（9日）2時左右，記者發現身形發福的Sammul在何文田寓所出現，獨自推著一大篋行李箱準備離開，當記者追問有關學員潛水溺斃，有指該教練是他時，他全程不發一言，沒有任何回應亦未有透露事發經過，之後就上了一輛早已在門外等候的的士，直駛往港島區一間5星級酒店，下車後記者再上前問他有否聯絡學員家屬交代事件，他依然封口避談，然後就入上房。

其實Sammul轉戰內地後已甚少與圈中人有互動，直到去年年尾廖碧兒上載與他的合照，才見他蒲頭。對於他已轉做潛水教練，很多人亦不知情。