李施嬅唔執著拎視後：拎左安慰獎啦 未婚夫直率得罪人多似「張家研」

繼《金宵大廈2》後相隔3年，李施嬅再重返「娘家」拍《新聞女王》，跟佘詩曼展開連場勾心鬥角劇情，好有發揮。

2019年李施嬅憑《金宵大廈》「叫糊」視後可惜大熱倒灶，對於再接再厲，她答得淡然：「冇咁執著喇，畀左個『最受歡迎電視女角色』安慰獎我，算系圓滿左啦。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

採訪：方騫平 攝影：鄧國良 服裝：Lane Crawford 髮型：Jay Cheung @ Hola Il Colpo Hair & Pets 場地：Studio Meta

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

劇中李施嬅飾演有正義感但被打壓的主播「張家研」，因為喜怒形於色跟佘詩曼有好多頂撞。

施嬅強調角色性格同自己完全相反，她唔會鬧人，唔會有嗰句講嗰句令人難受，「因為識做野，但唔識做人嘅人系好乞人憎，唔會有運行。」

李施嬅覺得「張家研」唔識做人，跟直腸直肚的未婚夫車崇健好似，所以未婚夫曾大讚「張家研」系絕種恐龍：「佢(未婚夫)好少朋友，同得佢交往嘅都系志同道合知心友，會兩脇插刀。」

施嬅尊重未婚夫嘅直率，因為做人唔掩飾都要有勇氣：「有時我唔開心打沉左，佢唔會呵住我，美化個世界點完美，而系一針見血說出重點，用嚴格態度令我精神強大，不過，有時太過份就會Stop佢『喂！你唔可以對我咁講。』」她表示跟未婚夫各有各忙，還未落實婚期。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

離開邵氏同失獎冇關

提到有機會跟阿佘爭視後，施嬅強調只系想有好嘅作品：「因為TVB個獎而唔開心，觀點太狹窄，執著會太辛苦，反正控制唔到，邊會有雙視後呢啲野呀？

唯有諗，有啲獎同有啲人有緣，可能我同其他獎有緣呢。而且幾年前TVB畀安慰獎我，已填補左多年嚟『屋企』冇獎嘅失落，算系咁，2019年離開邵氏絕對唔系傳聞中為獎而走，哈！我冇張家研內心咁多抑壓喎。」