43岁袁伟豪努力保养！自认大叔仍不忿网民为流量嘲衰老

袁伟豪（Ben）在《反黑英雄》首度演杀人如麻大反派“陈祖耀”，他演得过瘾，观众亦睇得投入。

不过他的状态再度成话题，他就不忿网民为流量才经常嘲他衰老。他坦认毕竟已年届43岁大叔之龄，加上早年捱坏身子，但已努力保养。升呢人父的他，开心囝囝袁晞祐（乳名：袁咕碌）已识叫“爹爹”，期待等囝囝大点一齐游机车河，还透露有意追个女。

采访：杜杜 摄影：谭志光 场地:Velo Italian Bar & Grill

Ben对于演大反派，完全不抗拒，还形容“陈祖耀”，“呢条友几型，几劲㖞！好爱恨分明，有仇必报，亦都好重情义。”

他选择以踏实方式演绎，更得到认证，“差唔多拍完监制话‘几好睇，有啲嘢㖞’，我就觉得呢件事成功咗一半，走啱咗方向，只系观众会点睇，系咪真系会咁肉赤呢？！原来佢吊颈嗰刻啲人都会话‘咁点算冇嘢睇㖞’，证明大家代入咗，呢个人系有血有肉。”

拿旧作比较好无谓

Ben近期每逢有剧播，外界着眼点不是演绎，反而更留意他的状态，他坦言觉得好无奈，“梗系会有，点解要咁啫？！成日讲衰唔衰老，又断涯式又旋风式。”

他分析外界拿旧作来比较，认为相当无谓，“点解“天堂哥”（《使徒行者2》）会变成咁？！‘天堂哥’系7年前㗎啦，唔该！《铁马战车》个‘司马sir’ 10年前㗎啦！嗰时33岁，今年小弟已经43岁。

“牙佬”系34岁，系最fit，最当打慨时间，人生最健康、能量最高，回气回得最快，最襟捱慨时候，嗰时仲要高清，现在系睇紧4K、8K，同期我又拍紧两个剧，又做咗人爸爸，个样少不免有啲残，现场环境又恶劣，个妆甩得快啲，咪又见到我更加攰啰！”他又笑言已自称uncle，“成班世侄，都系叫我Uncle Ben，家我觉得大叔好型，冇贬意！”

Ben强调不会为这些声音，放弃搜寻有关自己工作的消息，更会忍不住出手澄清，“佢想要流量，做啲话题出嚟，唔系啲正常人慨用户，而我见佢有啲嘢想做，咪回应佢其实我唔系肥，喺我工作生涯裹面，我应该冇肥过，未试过有肚腩。”

他最不忿是网民一句话，随时变成新闻，“你话我残都算，仲要话埋我有肚腩，我日日饭都冇得食，就系为咗个角色想fit啲动作打得快，你一句话我有肚腩，我又畀啲传媒讲话我走样有肚腩，咁系咪先，所以我咪话畀佢听唔系肚腩嚟，系腹肌嚟！”

调整作息努力保养

Ben坦认身体早已捱坏，更笑言每日状况有“最佳食用期”，所以工作前要提早起身去水肿，“今日做6个专访，正午12点开始，我要7点起身就系要等自己醒，碌面，就算碌完都系肿到乜咁，都要碌㗎嘛！咪就系年纪大啰，捱坏咗啲内分泌。”

他亦好注意饮食，以少甜少盐为主，“总之少盐系大前题，唔食宵夜，唔食甜，因为糖化衰老得好快，一定要做运动，跑步同埋做gym，但冇之前个强度咁犀利，以前我会跑10K，家跑5K松啲就收手，惊跑得太多甩水太劲又会攰。”

未完待续,请点击[下一页]继续阅读