SGNEWS > 娱乐

孤独过80大寿只求有美食！秦煌唔觉系悲惨老人家：最紧要心态好

2025-03-01 于晏 2277

秦煌唔觉系悲惨老人家：最紧要心态好孤独过80大寿只求有美食

因行动不便入住护老院大半年的秦煌，于2月16日在老人院渡了第一个生日，虽然院内不设庆祝活动，亦没有他期望中，能够跟家人开开心心，简简单单出外食餐饭的画面，但当日却喜获《星岛头条》记者送上生日蛋糕及恨食了多年的云吞面。

秦煌心态好，不觉得自己是悲惨老人家，反而捧住碗云吞面和生日蛋糕笑骑骑，满足说：“趁有牙食得就食！” 采访：方骞平摄影：罗安强

80大寿当天，寿星公秦煌身穿深蓝色上衣配衬同色系cap帽，打扮醒神，尤其捧住记者送来的生日蛋糕时更开心到爆猛话：“好靓！”

珍而重之表示要留来做宵夜，更指定要交给相熟的夜更女工保管：“唔好畀人偷食！”被问到是否刻意打扮过生日时？煌哥即大笑说：“又唔系？日日都系咁！”

仔女情人唔见人

对于当天子女冇现身；内地情人知己Mary都冇影，秦煌在院内有点孤寂，他却秒速为子女解画：“佢哋要返工，我都唔想搞到咁大阵仗。(咁会否好失望？) 冇失望，呢啲唔关佢事㗎，以前我要返工要做嘢，系我一直教养落嚟冇做到(关心)呢啲嘢，变咗相处方式比较疏离。”

至于Mary的事，他就形容都过去了：“呢啲系60岁慨事，佢过得开心我就开心，家大家经已少联络。”秦煌又为寂寞生日打圆场：“哈！我都唔再重视80岁喇，因为家过咗80岁，目标一定系超过90，有90目标就望100，我哋屋企人好长命，所以唔好衰畀佢哋睇。”

快乐不知时日过

谈到生日愿望，他就安于现状：“生日冇特别嘢，都系自己开心啫，最开心系唔使担心财困，唔会好似以前咁忧柴忧米急于揾嘢做。呢一年都ok㗎，除咗有3餐温饱，仲由政府供住，住慨老人院单人房又咁大间，仲有4000几蚊综援金做零用钱，有时仔女会畀啲钱我，边度使得晒啫？我家好ok㗎，80岁个人好精神又食得，心态会好过以前。”

他坚持最紧要是心理质素好，做人乐观，不会自怨自艾，还自嘲快乐不知时日过，追问2月16日究竟是星期几？又笑说几乎连自己生日都忘掉。现在无甚牵挂的他最开心有美食：“呢度过时过节会加𩠌，一人一份虾、烧肉，啲𩠌多到食唔晒。啲女又会买条烧腩骨上嚟畀我食，哈…好味呀！趁住仲有牙食得就食，唔使拆啲牙(假)出嚟嘛，睇见啲人都好肉酸。”