黎泽恩“黑暗人格”吓亲大人细路！揭MR.主音离队内幕

黎泽恩“黑暗人格”吓亲大人细路

揭MR.主音离队内幕丨独家

TVB热播剧《刑侦12》中，黎泽恩（Ronny）饰演张振朗的“第三人格”成为全城热话！“深红眼妆”加邪恶笑容吓到唔少观众，他自爆连朋友都要跳集避睇：“有个friend话我杀人个样太恐怖，要睇到大结局先敢睇返！”

更有家长爆料，一见到Ronny出场就要即刻掩住个女双眼，怕吓亲小朋友。 采访：方骞平 场地：The Bathub

入行17年的黎泽恩，在TVB剧《刑侦12》中演张振朗副人格人气急升，Ronny自爆为咗角色做足功课，深入研究“人格解离症”：“黑暗人格唔系癫佬，而系反映主角对自己慨厌恶同愤怒。最难和张振朗要‘神同步’演出，好彩佢畀我发挥空间！”

要求有感情线

演开反派的Ronny在《隐形战队》做贼王；《黑色月光》演黑社会，今次终于获得阿妈认可：“以前成日弹我声线，今次竟然赞‘做得几好’！”

不过佢话唔想被定型：“我可以放低AK47自动步枪做暖男㗎！之前拍《好人好姐》叫老婆庄韵澄做‘BB猪’，证明我有感情戏路。就算做江湖大佬，都可以有家庭线㗎！”

他表示打后对演戏投入度会多咗，只要享受就会有发挥，但冇寄望夺“最佳男配”：“老实讲攞奖对我唔系一件新鲜事，以前做MR.乐队都攞过好多奖，因为有冇奖包含有好多计算，就算攞唔到奖，但出面赞你一句，肯定性更大。”

另外，讲到乐队MR.现况，主音布志纶（Alan）离队。

他豁达表示：“人数少咗件事唔完美，但MR.精神冇变。我哋试过倾重组，但焦点唔应该永远喺一个人度，所以觉得呢种处理方法系对大家最好慨。”