星島網：羅子溢38歲生日陪子女玩水慶生 楊茜堯祝賀老公愈來愈型仔

楊茜堯（前名楊怡）與老公羅子溢（前名羅仲謙）結婚5年，前年4月誕下愛女小珍珠，去年12月誕下幼子，湊成一個「好」字，夫妻生活美滿，不時喺IG分享與一對子女慨生活日常。

昨天系羅子溢38歲牛一，仲系19年一遇，新舊曆同一日，羅仲謙分享兩公婆陪年幼子女玩水慨溫馨慶生圖片，留言「快樂就系咁簡單。」

相中兩公婆喺私家花園內為兩小姊弟搭建咗個私人泳池，楊茜堯租住慨大埔豪華別墅式屋苑，附設慨寛敞私人花園亦意外曝光。

充氣恐龍泳池系淘寶貨

喺單親家庭長大慨羅子溢自從與楊茜堯結婚後，無時無刻都以家庭為重，就算生日都以子女行先，炎炎夏日，就喺私家花園內搭建咗個私人泳池，同一對寶貝子女嬉水慶生。

池邊除咗有波波外，仲有恐龍公仔，置身其中啱曬小朋友，重點系唔使出去同人迫。

不過，竟有眼利網民留意到，放置後面位置慨恐龍遊玩中心，其實只系600蚊「人仔」就有交易慨淘寶貨，可見兩公婆即使住得有幾豪，也懂得知慳識儉。

對於老公生日，楊茜堯留言，happy birthday，我家大人細路祝你身體健康，一直一直咁靚仔，一直一直咁有型，一直一直咁開心，sweet到爆。

羅子溢「雙牛一」樂做湊仔公楊茜堯賣口乖：我家大人！

藝人羅子溢系廿四孝老公兼好爸爸，自從太太楊茜堯為佢誕下一對仔女後，佢除落力搵奶粉錢外，公餘時間就全部畀曬仔女，連昨日（28日）佢38歲生日，仲要系機會難得西曆同舊曆生日撞正同一日嘅「雙牛一」大日子，佢都繼續樂於做湊仔公，一家四口玩水中度過，凡事以小朋友行先，認真偉大。

佢留言笑指：「今日系咩日子呢？家庭樂嘅日子，炎炎夏日最好嘅娛樂，快樂就系咁簡單，舊曆新曆同一日，19年一遇。」老婆楊茜堯即送上祝福：「Happy birthday 我家大人！祝你身體健康，一直一直咁靚仔，一直一直咁有型，一直一直咁開心！」

羅子溢接受東網訪問，透露拍畢《婚後事》後至年尾先再開劇，剛過完生日，就即為囡囡「小珍珠」開學做足準備，添置白波鞋等上學物品。

佢表示：「其實咁大個人，依家生日簡簡單單過就算，主要都系湊仔湊女緊要啲，因為佢哋大得好快，生日願望最想仔女開開心心、健健康康、聽教聽話。」

佢又指現時為仔女成長問題感煩惱，阿仔唔肯瞓，阿女就唔願食，吸收唔到足夠營養，所以要多陪囡囡放電，希望佢更有胃口進食，笑言陪玩仲忙過返工，又慶幸能有時間能與仔女朝夕相處，不錯過其成長嘅珍貴時刻。